اطفالنا 3

بزى الاحرام دخلنا مكة .... على سنة احمد طه نبينا
ندعو الله الواحد رب الكعبة .... يقبل منا الحج و يشفع فينا

كان ده النشيد اللى دودو حبيبى بيقوله فى يوم الحج فى المدرسة
و فضلنا نقوله سوا كتير ... و كل ما نروح نزور حد او حد يجينلنا نقولوه

و فى يوم من الايام جه حبيبى بيقولى
اخدنا النهارده فى المدرسة اغنية جميلة
قلت له قول يا دودو
 الكداب بيروح النار و كل اصحابه من الشطار

برافوا يا قلبى جميلة جدا

و بعدين لمعت الفكرة ... سبحان الملهم

فاكر يا دودو نشيد الحج ... ايوة
ممكن نقوله سوا

تعرف يا دودو مين الل هيشفع فينا؟
هوه يعنى ايه شفاعة؟

جميل يا حياتى

شوف يا قلبى انت طبعا عارف ان كل واحد فينا فينا فيه ملاك على ايده اليمين قاعد يكتب كل حاجة حلوة هوه عملها
و ملاك تانى على ايده الشمال بيكتب الحاجات الوحشة

ايوة يا ماما ... و انا بشغل الملاك اليمين و بخلى الملاك الشمال يشتغل شوية صغيرين
تمام يا حياتى
يوم القيامة بقى كلنا هنقف قدام ربنا ... و الملايكة اللى على ايدنا اليمين و الشمال كل واحد فيهم معاه الكتب اللى كتب فيها احنا عملنا ايه
و بعيدن ينادى ادهم مصطفى
تعالى ... فى يوم كذا انت عملت كذا و كذا  وكذا و فى يوم كذا عملت كذا كذا ز كذا

لحد ما يخلص كل حاجة ... و طبعا حبيبى شاطر الحاجات الحلوة بتاعته اكتر بكتيير من الحاجات الوحشة
عشان كده ربنا هيقول ... على الجنة يا ادهم

ايوة بس يا ماما لو الوحشة اكتر بشوية صغيرين هيحصل ايه؟
ده سؤال جميل جدا شوف يا دودو

طبعا الاوضة بتاعتك فى الحالة دى مفيهاش لعب و لا شجر و لا هدوم و لا حاجة خالص
و عشان كده سيدنا محمد صلى الله عليه و سلم هيجى يقول لربنا ايه

لو سمحت يا ربى ادهم ده كان دايما لما يسمع اسمى يقول صلى الله عليه وسلم
و كمان كان بيحبنى قوى ... و كان بيحاول يكون صادق و امين
ماكنش بيكذب ... و لما بينسى و بيقول حاجة محصلتش كلن بيتأسف
و مكانش بياخد حاجة مش بتاعته ابدا

عشان خاطرى يا رب ... يروح الجنة
فربنا هيقوله ... عشان خاطرك يا محمد هدخله الجنة

يبقى يا دودو كل ما نسمع اسم سيدنا محمد نقول ايه .... صلى الله عليه و سلم

و كمان يا دودو
نحاول نكون زيه ... هوه كان صلى الله عليه و سلم ... الصادق الامين
يبقى دودوكمان صادق و امين
عشان سيدنا محمد صلى الله عليه و سلم يشفع فيه

يعنى يقول لربنا ... عشان خاطرى يا رب دخل ادهم الجنة

فربنا عشان بيحبه صلى الله عليه و سلم هيقوله حاضر عشان خاطرك هيدخل الجنة

تمام يا دودو

تمام يا ماما ... انا هقول على طول صلى الله عليه و سلم

ادهم مصطفى و سالى محمد غانم
20-11-2012

اطفالنا 2

السلام عليكم احبتى الكرام

كنت بدأت منذ فترة سلسلة اطفالنا و تححدثت فيها عنى انا ابنى

و اليوم ساحدثكم عن بعض امور جديدة اود ان اعرف رأيكم فيها

الهجرة :

يعنى ايه يا ماما ؟؟؟ و ليه النهادرة اجازة و مش هروح المدرسة؟

شوف يا حبيب ماما ... سيدنا محمد صلى الله عليه و سلم كان عايش مع اهله فى مكة
و كان حاول يعلمهم الدين
يعنى قالهم مينفعش نكذب و مينفعش ناخد حاجة مش بتاعتنا و لازم نسمع كلام الكبار و نحترمهم و منعليش صوتنا و احنا بنكلمهم

كل دى حاجات جميلة مش كده يا دودو

طيب كان فيه فى مكة ناس وحشين كفار ... و مبيسمعوش الكلام

كان سيدنا محمد صلى الله عليه و سلم بيقولهم بلاش نكذب فكانوا بيقولوا لأ احنا هنعمل زى ما احنا عاوزين

السرقة حرام يا جماعة

لأ مش حرام ... احنا هنعمل اللى احنا عاوزينه

يلا نعبد ربنا و نصلى

لأ احنا هنعبد الاصنام

كانوا بيضايقوه و بيضربوا المسلمين اللى معاه ... و مش عازين يسمعموا كلامه

و فى يوم اتفقوا انهم يقتلوه !!!!

فربنا قاله يروح المدينة

الناس اللى فى المدينة كانوا عايزينه يجيلهم عشان يعلمهم الدين ... و عبادة ربنا و كل الحاجات الجميلة اللى ربنا بيقولنا نعملها
 هما كانوا عايزين يعرفوها و يتعلموها

بس هو ماكانش عايز يسيب اهله كانو عايز يعلمهم و يبقوا شطار و يبقوا احسن الناس

لكن لما اهل مكة ضايقوه و آذوه و كانوا عايزين يقتلوه
ربنا قاله سيبهم و روح لاهل المدينة
دول عايزين يتعلموا و هيسمعوا كلامك و مش هيضايقوك

فسافر من مكة للمدينة
ساب مكة خالص ... هاجر من مكة للمدينة
خد اهله و اصحابه و مشى و ساب بيته و شغله

عشان كده اسمها هجرة .... يعنى مشى و بعد بعيد خالص

و بعدين الناس فى المدينة فرحوا بيه جدا و غنوالوه لما وصل
طلع البدر علينا من ثنيات الوداع وجب الشكر علينا ما داع لله داع ايها المبعوث فينا جئت بالامر المطاع جئت شرفت المدينة مرحبا يا خير داع

و النهاردة هوه اليوم اللى هاجر فيه .... عشان كده بناخده اجازة
تمام يا دودو

هوه ده اللى انا قلته لابنى
و عايزة اعرف كل واحدة فيكم قالت ايه و عملت ايه
كنوع من مشاركة الافكار
و عايزة كمان اعرف رأيكم و تعليقكم على الحوار ده

فى رعاية الله
امة الله  م. سالى محمد غانم

افضل القصص ... لفهم الحياة

السلام عليكم و رحمة الله و بركاته
غريبة هى الحياة ... مليئة بالمتناقضات

حب و كره ... إحسان و غل و حسد ... حقد و ندم
اجدنى كلما خبرت الحياة ... اجدها لا تخرج عن إطار قصة سيدنا يوسف عليه السلام

كل النماذج البشرية و النوازع الدخلية و المشعر و ايضا تصاريف القدر و حكمة الخالق العليا من وراء الاحداث

لن اطيل عليكم و هيل بنا نبحر فى الايات الكريمة سويا

حكى يوسف الطفل الصغير لوالده النبى الكريم عليهما السلام رؤياه فقال الاب الحانى الحكيم
" يا بنى لا تقصص رؤياك على اخوتك فيكيدوا لك كيدا إن الشيطان للانسان عدو مبين"

يعنى ممكن يكون فيه بين الاخوات مكايد ... يدبرها و يديرها الشيطان ... يبحث عن اى نقطة ضعف فينفذ منها و يتسلل

فمن الحكمة فى كثير من الاحيان الصمت و عدم إخبار البشر عن نعم و عطايا ...مراعاة للغيرة و حتى لا نوغر الصدور

و ايضا لمن يفطن لوسوسة الشيطان له ... انزع عنك هذا ... إن وجدت سبيلا له عليك ... سواء بجقد او غيرة  او حسد


قال اخوة يوسف :
" إذ قالوا ليوسف و اخيه احب الى ابينا منا و نحن عصبة إن ابانا لفى ضلال مبين"

الحب نعمة ... يحسد عليها المرء ...
قد ينكر الاخ على اخيه نعمة الحب و يستكثرها عليه و يسعى ليزيلها عنه او يزيله هو
كلما ازداد المرء صهرا و نقاء ... يزداد الحب له من جانب
و يزداد البغض له من جانب اخر و الكيد و المكر يحاك حوله

قال اخوة يوسف"
"اقتلوا يوسف او اطرحوه ارضا يخل لكم و جه ابيكم و تكونوا من بعده قوما صالحين  قال قائل منهم لا تقتقلوا يوسف و القوه فى غيابات الجب يلتقطه بعض السيارة إن كنتم فاعلين"

استقر الرأى على القضاء الاخف ... قد يكون اقرب الناس لنا هم اشد الناس اذى و إيلاما لنا

من يضمر لك الكره ليس بالضرورة لانه يراك سئ ... بل لانه على خطأ و انت على صواب و هو لا يحب ان يكون مثلك... وجودك عقبة فى طريقه .... يذكره دوما بأنه على خطأ ... حتى و إن لم تتفوه انت ... هو لا يحب و لا يسطيع ان يكون مثلك


قال اخوة يوسف:
" يا ابانا ما لم لا ت؟أمنا على يوسف و إنا له لناصحون ارسله معنا غدا يرتع و يلعب و إنا له لحافظون"

ليس كل كلام المرء يعبر عن نواياه  ....  ما اكثر المهالك التى بدأت بمعسول الكلام

قال يعقوب عليه السلام بعد ان ضاع يوسف و ادعى اخوته موته:
" فصبر جميل و الله المستعان على ما تصفون"

الصبر عن النوازل ... و الاستعانة بالله و تفويض جميع الامر له

و حين و صلت فى القرأة للاية الكريمة :
" لولا ان رأى برهان ربه كذلك لنصرف عنه السوء و الفحشاء إنه من عبادنا المخلصين"

يااه استرحت لانى عرفت الطريق ... إخلاص العباده لله ... و هو سيتولى جميع امرى و يصوف عنى السوء و ينجينى

عندما قال يوسف عليه السلام:
" رب السجن احب الى مما يدعوننى اليه"

عرفت و ادركت معن الحب فى الله ..... كيف يمكن للمرء ام يختار سجنه حبا فى الطاعة و كراهة للمعصية ... حتى و إن كان مظوم

السجن احب .... ياااااااااااااه


قال يوسف عليه السلام:
"ذلك ليعلم انى لم اخنه بالغيب"

يجب على المرء ان يسعى لاثبات براءته و يدفع عن نفسه ما وقع عليها من ظلم و افك .... و لا بد للحق ان يحصحص ... و الله لا يهدى كيد الخائنين

و الى اللقاء فى الجزء الثانى


م. سالى محمد غانم
ابريل  2004