تساوى كام .. مقال معدل

فكرة ان الانسان يصلح من نفسه دى اصلا هى سبب الثواب ومش بس انك اتصحلت .. ان قضية الاصلاح شغلاك و انك بتصلح وبتسعى .. حتى لو بتحاول و متقدرش .. بتقوم وترجع تقع تانى .. مش دى القضية .. القضية فى الاستمرار و الرغبة الجادة فى الاصلاح فى كل محاولة .. ودى طبعا حاجات العالم بيها فى كل شخص هو الخالق عز وجل

و من هنا قلت اشوف و ادور على اصل الشرور فى ابن آدم .. ايه اكتر حاجة لو اتصلحت بتأثر فى سرعة اصلاح باقى الحاجات .. ايه اكتر خلق يؤدى الى مزيد من السوء و الانحدار .. لقيت للاسف انه الكذب!

"ليس الكذب شيئا يستهان به فهو أس الشرور ورذيلة الرذائل فكأنه أصل والرذائل فروع له، بل هو الرذائل نفسها وإنما يأتي في أشكال مختلفة ويتمثل في صور متنوعة." مصطفى لطقى المنفلوطى

للاسف الاسيف الكذب زى المنحدر .. الواقف على اوله بيكمل الانحدار .. سواء باستمراء خلق الكذب ده نفسه و التعود عليه او باستتسهال اخلاق سيئة كتير هو بيجرجرل الانسان لهاز

الكذب له محورين: محوردينى و محور نفسى .. وعلشان يتعالج صح لازم السعى فى المحورين دول .. واحد لوحده مش كفاية او على الاقل مش بالقوة المطلوبة

الواحد بيكذب لانه مش راضى عن حاله فبيحاول يجمله .. او عايز ياخد بدون تعب او عايز ياخد اللى مش حقه .. او عايز يوقع الناس فى بعض فيكسب سيطرة

مهم معرفة السبب النفسى للكذب علشان نعرف نصلحه .. هنصلحه بالدين طبعا بس باى محور فى الدين؟

فى رأى الرضا اللى اصله الايمان اليقينى مش ايملن اللسان .. ايمان التسليم والطاعة لله .. مش هوى النفس .. احد اول محاور الدين فى اصلاح الكذب

فى علم النفس .. النفس دى 3 . واحدة فيهم هدفها ان الانسان يفضل تحت ميطلعش لفوق ابدا .. تلاقيها فى الاصل بتشدك الانسان بالكسل .. ده صعب انت لسة هتعمل كده .. ده اسهل! قفيلاقى الكذب يساعده على عدم بذل الجهد للحصول على ما يريد بعد شوية يبقى فيه غش و افتراء و بهتان .. و ده كله علشان الانسان عايز و بس بدون ما يدى او يتعب التعب اللى يخليه ياخد اللى عايزه!

و دايما بتبدأ بالكذب لانه بيسهل مواقف كتير الصدق فيها عايز مجهود و تعب .. فتلاقيها بتجرجرك على الاسهل دوما

خلينا فاكرين ان الاجر على قدر المشقة .. كل مت تتعب كل ما ثوابك يزيد .. فمبدئيا كده بلاش استسهال و بلاش كسل وراحة كتيىر

علم النفس بقى بيقول .. حب نفسك زى ما هى بعيوبها بفشلها باخطائها .. ارضى عنها و اعترف باخطائها علشان تقدر تصلحها

هو مقال قديم كتبته من 7 سنين .. قلت افكر نفسى ونفتكره مع بعض .. و لا تنسونى من صالح دعائكم ..

و لتنذكر جميعا "و تحسبونه هين وهو عند الله عظيم"

كمان سيدنا محمد صلى الله عليه وسلم اسمه الصادق .. و مين اللى مسميه كده .. دول كفار قريش .. اعدائه اصلا قالوا عليه صادق .. من كتر صدقه حتى اعدائه قالوها عنه مش هوه ده قدوتنا و معلمنا و هادينا

سبحانه ربى لما وصفه قال عنه "و إنك لعلى خلق عظيم"

نبدا المقال

تساوى كام دى

مش عارفة ليه بيلح عليا دلوقتى اتكلم فى موضوع يمكن كتير مننا شايفه بسيط

و يمكن فى ناس بتعمل كده من غير ما تاخد بالها انه غلط

و فيه ناس من كتر ما عملت كده بقى ده العادى بتاعها

الحديث النبوى الشريف اللى كلنا اتعلمناه و احنا صغيرين و حافظينه صم

قال رسول الله صلى الله عليه و سلم "إن الصدق بر وإن البر يهدى إلى الجنة وإن العبد ليتحرى الصدق حتى يكتب عند الله صديقا وإن الكذب فجور وإن الفجور يهدى إلى النار وإن العبد ليتحرى الكذب حتى يكتب كذابا"

صدق رسول الله صلى الله عليه و سلم

فضلت ادور على اسناد الحديث عشان اتأكد من كل كلمة فى المقال قبل ما ابدأ

حَدَّثَنَا الْحُسَيْنُ بْنُ مُحَمَّدٍ الْعَسْكَرِيُّ ، حَدَّثَنَا الْبَاغَنْدِيُّ ، حَدَّثَنَا أَبُو بَكْرِ بْنُ أَبِي شَيْبَةَ ، حَدَّثَنَا أَبُو الأَحْوَصِ سَلامُ بْنُ سُلَيْمٍ ، عَنْ مَنْصُورٍ ، عَنْ أَبِي وَائِلٍ ، عَنْ عَبْدِ اللَّهِ بْنِ مَسْعُودٍ ، عَنِ النَّبِيِّ صَلَّى اللَّهُ عَلَيْهِ وَسَلَّمَ ، قَالَ : " إِنَّ الصِّدْقَ بِرٌّ ، وَإِنَّ الْبِرَّ يَهْدِي إِلَى الْجَنَّةِ ، وَإِنَّ الْعَبْدَ لَيَتَحَرَّى الصِّدْقَ حَتَّى يُكْتَبَ عِنْدَ اللَّهِ صِدِّيقًا ، وَإِنَّ الْكَذِبَ فُجُورٌ ، وَإِنَّ الْفُجُورَ يَهْدِي إِلَى النَّارِ ، وَإِنَّ الْعَبْدَ لَيَتَحَرَّى الْكَذِبَ حَتَّى يُكْتَبَ عِنْدَ اللَّهِ عَزَّ وَجَلَّ كَذَّابًا " . مُسْلِمٌ عَنْ أَبِي بَكْرٍ

و لقيت كمان كلام كبير قوى فى نفس الموضوع " الكذب" حديث آخر

لمالك في الموطأ عن صفوان بن سليم مرسلا أو معضلا: قيل: يا رسول الله، المؤمن يكون جبانا؟ قال: نعم، قيل: يكون بخيلاً؟ قال: نعم، قيل: يكون كذابا؟ قال: لا. ورواه ابن أبي الدنيا في الصمت مقتصرا على الكذب، قال عمر بن الخطاب رضي الله عنه: لا تجد المؤمن كذابا.

وروي عن أبي بكر مرفوعا : " إياكم والكذب فإنه مجانب للإيمان " ، أخرجه ابن عدي ، وصوب الدارقطني وقفه ، كما رواه أحمد ، وابن أبي شيبة

وروى ابن عبد البر عن عبد الله بن جراد : " أنه سأل النبي - صلى الله عليه وسلم - هل يزني المؤمن ؟ قال قد يكون ذلك ، قال : هل يكذب ؟ قال : لا " ، وللبزار ،

وأبي يعلى عن سعيد بن أبي وقاص رفعه : " يطبع المؤمن على كل خلقه غير الخيانة والكذب ، وضعف البيهقي رفعه ، وقال الدارقطني : الموقوف أشبه بالصواب ، قال غيره : ومع ذلك فحكمه الرفع على الصحيح ; لأنه مما لا مجال للرأي فيه ، انتهى .

يا نهار ابيض !!!

هوه ايه فى الدنيا ممكن يستاهل انى اتكتب عند ربنا " الله جل جلاله" كذاب !!!!

مين يستاهل فى الدنيا دى اكذب عشانه !!!!

بقى اللى خلقنى و رزقنى و هيحاسبنى و اللى عنده الجنة بكل نعيمها .... و اللى برده عنده جهنم بكل عذابها

مش فارق معايا كل ده و برده مبيهمنيش و بكذب !!!

تساوى كام انى اتكتب عنده جل جلاله كذاب !!! عشان مين يعنى لما يتقال اسمى فى الملأ الاعلى يتقال الكذاب فلان !!!

ده الواحد مبيتسحملهاش من واحد صحبه فى الدنيا و لو حتى على سبيل الهزار !!!!

تخيل كده انك سامع بودنك صوت الملايكة و هم بيقولوا فلان الفلانى ... اه ده مكتوب عندنا هنا انه كذاب !!!!

يااااااااه تقيلة قووووى !!!

طيب انا مش بكذب خالص ...

انتى جميلة و حلوة ... عاملة ايه بقى ؟

هيه هيه عاملة بامية هيه هيه

هوه انتى فعلا عاملة بامية النهادرة؟

لا ده انا بهزر معاكى

اهلا و سهلا هوه ده اللى مش بتكذبى !!!!

لا يا جميلة دى كده كدبة .... مش انتى قلتى حاجة مش حقيقية ... تبقى كدبة !!! و تسجل الملايكة انها كدبة و بعدين ناخد بقى على كده و يبقى هوه ده العادى!!!!

طب على فكرة انا مش يكذب .. انا بفخم الكلام بس !!

يعنى ايه مش فاهمة ؟

يعنى لو اشتريت حاجة بقرش بقول اننا جبتها بجنيه ... و ايه يعنى ... لو نضفت سجادة بقول روقت الشقة .. ايه يعنى .. بحكى كتير حاجات محصاتش من كتر ما نفسى تحصل .. ده مش كدب ده ... ده بس تفخيم !!!!

لا استوب هنا و نركز ... ده طبعا كذب .... ايوة كذب طبعا !!!!

و خلى بالك .. هل يكب الناس فى النار الا حصاد السنتهم!

طيب انا صحيت من النوم متأخر النهاردة و رحت الشغل متأخر و لما رحت قلتلهم ان ماما كانت تعبانة الصبح و عشان كده اتأخرت !!

طبعا كدبة .... و كمان ادعاء مرض

يا اخوانا الموضوع كبير ... و الله كبير جدا

بس نفتكر كده اننا و احنا قاعدين ... فيه ملايكة شغالين كتابة كل كلمة بنقولها

"ما يلفظ من قول الا لديه رقيب عتيد"

(فلان ابن فلان كدبة ... اتنين .. تلاتة ...... )

لغاية ما يكتبوا .... فلان ابن فلان .... كذاب !!!!! و خلاص كده بيترفع التقرير لرب العباد و فيه انك حضرتك كذااااااااب !!!!

و كل ده عشان بتهزر او بتتجمل .. او خايف من فلان ابن فلان اللى هوه بنى آدم زيك برده ! ميمنعش برده شوية غل من فلان مش عايزه يبقى احسن منى لما اقول كذب عنه "كده ده بقى اسوه افتراء لو قلت حاجة مش موحودة او بهنان لو موجودة"

او كبر " ازاى ده يعرف اكتر منى ابدا ده كلامه غلط كلامه كذب"

او ادعاء" سمعت حاجة من حد بتقوم تقولها وتقول انك صاحبها .. سواء فكرة او كلمة او تصرف او حتى هدية"

.. او مصلحة من شخص "فلان ده ممكن يعملى و يسويلي لو انا قلت كذا

رجاء لنفسى اولا و لكل حد قرأ الكلمات اللى فوق.. عدى اى كلمة هتقولها على فلتر العقل ابو ضمير .. شوفى كده هيعديها ولا لأ .. و اذا لأ بلاش إعادة و محايلة و تحايل .. الموضوع فعلا مش سهل و مش بسيط

يا ريت اكون وصلت الفكرة و المعنى ..

و يا ريت نبدأ من ساعة ما قراينا المقال ... قول لربك ... خلاص انا فقت ...

قله يا ربى عينى اكون زى ما تحب

يا رب نفسى تنادى فى ملايكتك و تقولهم ... يا ملايكتى انى احب فلان ابن فلان ... فاحبوه

يا ربى نفسى الملايكة قول فلان ابن فلان .. صادق صديق صدوق

يا رب اعينا ان نكون لك عبيدا ترضيك .. اعنا على تحكيم كتابك و سنة نبيك

صلى الله عليه و سلم

امة الله

م. سالى محمد غانم

7-5-2019

على ما

ابكى دم مهدرلم يصنه سواى
اعرضت الان عنه و ساظل فى منأى
لم يكن ابد لى  و لكن روحى و قلبى خدعاى
اغفلت صوت عقلى  فمرارا شد اذنى
نهر بخع نفسى  و عنف ظلمى  لها و بخسى
كان ابتغاء ربى و لن يشقينى معه
فهو لى وكيلا و حبيبا و عزا
حسبى منها هو فهو الامل المرجو دوما

بيخلصنى

الحمد لله انه بيخلصنى من كل حاجة حبيتها
من كل حاجة اتعلقت بيها
من كل حاجة اتمسكت بيها علشان تسندنى
من كل حاجة  كانت بالنسبة لى نزيف مشاعر
من كل حاجة حبيتها برغم انها بلهارسيا عمرى
انا حاسة إن ربى بينضف قلبى و بيكنس منه كل حاجة و كل حد فيه
علشان يفضل هو و بس اللى فيه
الحمد لله إن قلبى بين ايدك
الحمد لله انك انت ربى
الحمد لله انك بتنضفه علشان يتملى بيك
الحمد  لله
جرح الناس ليك او ضربة من حد فى ضهرك او خيبة رجاء فى قريب
كسرة قلب من اخ او بعد اخت
كل دى و غيرها مكنسة بتنضف قلبك علشان ميسكنش فيه حد مع ربك

إدمان

اللى جمعهم هو اليتم
عاشوا حياة قاسية و صعبة
حاول هو يحليها بخيال
خيال مع ناس من رسمه
الشخصيات موجودة
لكن كمل هو رسمهم من خياله زى ما هو نفسه
اعتمد على  ذكاؤه و عقله
اعتمد على قلبه و مشاعره
رسم الصورة و عاش معاها و فيها وقته

و حاولت هية تفوقه
لكنه كان متمسك بخياله
هوه ده اللى مخليه مستحمل الواقع و بيقاوم و مكمل
ده اللى محلى ايامه
كل ما تضيق الدنيا قوى يقفل عليه قلبه و فكره و يعيش بخياله مع صوره
يخرج بعد شوية فايق و مستعد للف فى الطاحونة من اول وجديد
بنفس النشاط و نفس الحماس


معندوش استعداد يحطم صنمه
و بيكبر فيه
لحد ما  جيه الصنم ده فى يوم و يقرر انه يهد نفسه بنفسه
يمكن يفوق و يشوف اللى فى ايده و اللى يقدر عليه
يمكن يتأكد ان الواقع مفيش له بديل و لا تغيير و لا تحايل
الخيال حيلة زى المخدر تمام
لو ادمنته مش هتقدر تبطل

احنا بشر و لنا اله شايف
مقسم الادوار و الانصبة
بنشغل و ندور و نلف فى الساقية
لازم نشوف الواقع زى ما هو
لا نحليه و لا نمرره
نقبله زى ما هو و نحبه زى ما هو
و نتعايش معاه
ممكن نحاول نغييره ..
نشتغل علشان نغير اللى ممكن يتغير
فى حاجات لازم نقبلها لانه مش ممكن تتغير
عمر الهروب للخيال ما هيكون هو الحل

الخيال إدمان
الخيال إدمان
الخيال إدمان ..
الخيال هروب من واقع انت مش قابله ..
كن قوى و اشتغل علشان تغير الواقع اللى انت مش قابله ..
و اعرف ان فى حاجات فى الواقع مش ممكن تتغير مهما اشتغلت ..
اعرف الحاجات دى ايه علشان تتقبلها و تشوفها و تتعايش معاها

بلاش الخيال يكون هروب لاختلاس لحظات سعادة
خلى الخيال قوة دافعة لتغير الواقع
لما الخيال يكون محفز للعمل و لتحقيقه يبقى هو ده الخيال المفيد
الخيال .. نقطة انطلاق لما هو افضل ..
الخيال ..  اول سلمة للوصول الى ما اريد

بحبه

بحبه .. فعلا و بجد و بكامل إحساسى
كنت ساعات بحس إنى بحاول احبه
و ساعات تانية بحس إنى عندى مشاعر و مفيش غيره يستحقها
و ساعات بحس إنى لازم احب و هو أأمن من احب


لكن فعلا و حقيقى بحبه جدا و بحس به معايا فى كل خطوة
 مهما ابعد عنه الاقيه بينادينا و مهما ازعل اول ايد احس بيها بطبطب عليا

اى حب غير حبه مش حب
حبه صفاء .. حبه رقى .. حبه عزة .. حبه هدوء

إن نفسا لم يشرق الحب فيها نفس لم تدر ما معناها

شيلاك فى ننى عينى يا عينى و اللى بينك و بينى اشواق كل الاحبة و حنين المحرومين

كل ما اسمع اغانى الحب الصافية الهادية
الاقينى خطر فى بالى ابنى .. افكر و اخاف اخلى كل قلبى معاه اخنقه
و افكر اكتر الاقى ان هو مش هيدينى كل قلبه (و ده طبيعى و لازم يحصل)
افكر فى اخواتى و وزوجى
برده الاقى اللى عندى اكتر من استيعابهم له

و الاقى ربنا سبحانه و تعالى بيكلمنى ..

و الاقى ان اربى احق بكل كل حبى

و بعدين الاقينى بحبه فى خلقه
يعنى انا بحب ابنى علشان ابنى هدية منه و صنعه و كرمه

و بحب زوجى علشان ربى هو اللى اختارهولى

انا فعلا بقيت بشوف الناس اللى بحبهم فى خلفيتهم ربى
بديع صنعه و قدرته

و حبى لهم جزء من حبى له
و يمكن حبى لهم علشان هم صناعته


أحبك ربى و الحمد لله انك ربى و الحمد لله اانى احبك
اللهم ادم عليا نعمك

يا أنا يا أنتى

تركت لى رسالة قصيرة مطوية " يجب ان اراكى فى اسرع وقت ؛ قد يقع المحظور فى اى لحظة اسرعى بالله عليك"
هرولت اليها بغير وعى او إدراك الى انا ذاهبة و من سالاقى. كل ما كان يشغلنى هو ان الحقها قبل ... قبل ان تفارق الحياة
ظلت لسنوات فى قابعة على ذلك السرير الابيض متصلة بكل تلك الاجهزة ... ظلت صابرة ترجو الحياة
بينما اتمنى انا لها الموت!
اجل فهو راحة لها و لى انا ايضا
لن تتسع الحياة لكلانا يجب ان ترحل احدانا
باغتها يوما بتلك العبارة فلملمت امتعتها و خرجت تجر احزانها الى ان فقدت الوعى و دخلت المستشفى
ظلت لايام فى غرفة الرعاية المركزة بينما انا ادعو لها بالشفاء التام ! اجل ندمت على قلت لها و ايقنت قسوتى عليها
هالنى ما آل اليه حالها و تدهورها السريع
بدأ النبض يسير فى اوردتها بعد شهرو طويلة من السكون
نبض هزيل لكنه امل جديد رحت أتأملها و امعن النظر ... ها هو جفن يتحرك و عيناها ترانى .. إنها تتشبث بى كآخر امل لها
غلبنى ضعفى و قررت ان اسمعها و لكن سرعان ما هبطت كل مؤشرات الاجهزة الى مستويات توحى بالخطر
هرولت استدعى لها طببا لكن لم اجد احد
دعوت الله ان يرزقها الشفاء فانا لا اتحمل عذاب الضمير إن هى رحلت بسبب كلماتى و قسوتى عليها
ها قد جاء الطبيب شاب حديث التخرج كله امل و إقبال و حماس
سبق مجموعة الاطباء المشكلين للجنة علاجها
و بعد ان اتم الكشف عليها سأل اساتذته عن رأى كل منهم
فاجابوا "هى النهاية لا محالة"
بينما قال هو بحماس "مادام ينبض فيها فلب فهناك امل"
اتركوها لى هى حالتى بعد إذنكم إن وفقنى الله فخير و نعمة و إن كان المحتوم فلا راد لقضاء الله"
بين ذهول بعضهم و قلق الاخرين استمر هو فى فحص قراءات الاجهزة
و بدأ يبحث سريعا على الشبكة الدولية و بدا لهم و كأن شيئا لن يوقفه عنما نوى و عزم
تسللوا بهدوء خارج الغرفة بينما اختفيت انا فى زاوية اراقبه و هو يعمل و اراقب ردة فعلها هى
لم اتركها لحظة و لم يتركها هو ايضا لسنوات طوال ظل هذا هو الحال
بضع ثوان تفيق ثم تعود الى بئر سحيق لايام او لشهور!
و بعد سنوات من عمله الدؤب و جدته يقول "يبدو انها بحاجة اليك "
اسرعت اليها شاحبة مرعوبة "الحمد لله ان رأيتك" قالتها بتهالك
"ارجوكى حققى لى آخر رغبة يبدو ان الاجل قد حان "
قلت لها "على الرحب و السعة سابذل قصارى جهدى كى احقق لك ما تريدين"

همست الى ببعض كلمات لم اتبين منهم المراد خشيت عليها الاجهاد إن اطالت فى الكلام و رحت اتصرف فى حدود ما سمعت
حققت لها آخر طلب سمعته و أطمأنت و ما هى الا ساعات و رحلت!

لم اصدق نفسى مشاعر متضاربة بين فرح شديد و حزن عميق و راحة بأن حققت لها آخر امل و ضيق من الحياة التى لا تسعنا سويا
كان لابد لى ان اعيش انا وحدى بدونها

هى ذكريات الماضي و انا الواقع ، انا الحقيقة و هى الخيال
انا العطاء المثمر و هى الوهم  هى السراب

هل قتلتها لاعيش ؟ لا قتلتها لنعيش
لا لا لم اقتلها فد حاولت إسعادها فى آخر لحظة
كلا لم تسعد اشقيتها و شقيت
لا انا الان اعيش بدون المها الغائر فى صدرى
اعيش بدون صوتها المحشرج الذى حرمنى النوم

هل    هل ماتت حقا ام إغماءة ككل المرات السابقة!
ساحضر مراسم الغسل و الدفن كى اتأكد بنفسى

يا الهى تمد يدها و تطلب العون!

ربى انت تعلم ان لا مكان لنا سويا

غلبنى عليها ... قوينى على تلك الليعنة

النفس الامارة !
15-1-2015

خير ايامى

اصبحت كلما علمت بوفاة احدهم اشعر بدنو الموت منى اكثر
اراه يقترب و زادى قليل و عملى فقير فاستجديه ان يتمهل كى استعد
و اعود نفسى على انتظاره بين الحين و الاخر و ازهد الدنيا و لا ارى لها طعم و افقد كل رغبة فيها. اقوم بواجباتى تجاه من حولى بغير امل لى فى شئ ؛ و اعجب لهم و لمأربهم منها و حاجاتهم فيها ، و تمر الايام و الشهور و اجد الموت عنى بعيد ؛ فاتسأل ماذا عساى ان افعل فى ايامى الجديدة تلك؟ و اعود و ابحث لى عن مكان جديد فى الحياة. ابحث لى عن هدف اعيش من اجله ؛ طالما ان فى عمرى بقية. ارتبط بهدفى او مشروعى ارتباط ام بجنينها ؛ و يزداد املى فى طول اجلى حتى اراه امامى مولودا سليما معافا مستقلا ، و اخشى فى الوقت نفسه التعلق به فلست ادرى للموت موعدا !

اهو خير ان لا اعلم بموعد نهاية حياتى؟
انتظره فى كل لحظة و اتخيل يوم وفاتى و نزولى قبرى وحدى
فلن يصاحبنى اى من هؤلاء
لن يصاحبتى سوى نية طيبة و عمل صالح خالص لوجه الله
اللهم ارحمنى إذا وارانى الاهل و الاحباب و صار مثواى تحت الارض بين الدود و التراب
اللهم اجعله خير ايامى و ارزقنى قبله توبة نصوحا و مقبولة و وفقنى فيه لخير اعمالى

اللهم اصرف عن قلبى الدنيا و زخرفها و غرورها
اللهم ارزقنى منها طلاقا بائنا بينونة كبرى

لا يغادر

كل قارئ و هو يقرأ قد يجد تشابها بين ما يقرأ و بين احداث ما مرت عليه ... عزيزى القارئ إن لم تتطابق تماما الاحداث فلا تهتم ... فلمن يكتب خيلا و زاوية رؤية خاصة جدا ... يخدم بها فكرة ما او هدف مما يكتب ... انا الان تذكرت ... تذكرت ان ملكين موكلين بى يكتبون كل شئ و انا لن ارى او اقرأ ما يكتبون الا يوم عرضه على الجميع! ما لهذا الكتاب لا يغادر صغيرة و لا كبيرة الااحصاها و وجدوا ما عملوا حاضرا و لا يظلم ربك احدا

سؤال بجد هل ما يكتب الملكين ملف تسجيل ام انهم يستخدمون قلما رصاصيا ذو ممحاة.
اوضح: قام ابن آدم بذنب و اسغفر و تاب ... هل يسجل الملائكة فلان اذنب يوم كذا و تاب يوم كذا ام انهم يستخدوم قلما رصاص للتسجيل ليسهل محو الذنب بممحاة التوبة؟

ظنى بربى انهم يمحونه تماما بل و إن صدقت التوبة فإن الذنوب تنقلب حسنات

الموت يأتى بغتة و من ادرانى ... متى الاجل و متى اللقاء ؟ و هل سيبقى بعد الذنب وقتا للتوبة!
اللهم بصرنا بذنوبنا و ارزقنا توبة نوصحا قبل الممات و تجاوز عن سيئاتنا
اتبع السئة الحسنة تمحها و تعامل مع الله و اعلم انه يراك دائما ابدا.

اسغفرك اللهم ربى من جميع الذنوب و اتوب اليك

اسئلة

من الاسئلة اللى حيرتنى فى طفولتى ازاى ربنا هيحاسبنا و ازى كل اعمالنا مكتوبة و ازى ربنا سبحانه و تعالى بيشوفنا كلنا فى نفس الوقت ... و مع تقدم العمر و تقدم الاختراعات اصبحت شريحة بحجم ظفر تحتوى على تاريخ كامل و كاميرات بحجم رأس الدبوس تسجل صوت و صورة و تبث للعالم فى التو و اللحظة و كل هذا و لم نؤتى من العلم الا قليلا ... الواحد بقى بيقول سبحان الله بإحساس مختلف ... سبحانه ربى ... و مش بعيد شجرة الفرقد تكون مثلا تحليل شريط DNA بصورة تتيح التفريق بين اليهود و غيرهم ... العلم هو مفتاح اللغز

قلم رصاص - اجمل حاجة

عمال تكتب تكتب تكتب و بعدين تراجع تلاقى غلطات
فتجيب الاستيكة و تمسح
و تراجع تلاقى كله تمام
و ترجع تكتب تانى و ترجع تغلط تانى ة ترجع تمسح تانى و كله تمام
كده كله زى الفل مفيش غلط  مفيش شخبطة و الورقة سليمة
بس خد بالك بلاش تغلط و تمسح كتير فى نفس المكان لحسن الورقة تتقطع
اغلط ايوة بس بلاش فى نفس المكان
و طبعا كل ما تكتب و تغلط و تصلح  بتحفظ كده غلطتك و بيبقى صعب انك تغلط نفس الغلطة تانى
الحمد لله ان جعل الدنيا ورقة و قلم رصاص باستيكة

الحمد لله اننا بنعرف نمسح اخطأنا
مهما كانت
و طول الوقت

اللهم لا تتوفنى الا و انت راض عنى و ارزقنى توبة قبل الممات