كام مرة عدى على كل حد فينا وقت قال فيه الكلام ده ؟
تعباااااان ... مضغوووووط .... انا على اخرى ... انا مطحووووون !!!!
و بعد كل ده مش عاجب كمان !!!
طيب بالراحة .... الصبر يا اخى / اختى و تعالى نتكلم
ايه اللى تعبك ؟ الشغل ؟ العيلة الزوجة / الزوج؟
طبعا كل ده على بعضه امال انا هطق ليه ؟؟؟؟
طيب طيب واحدة واحدة كده نوصل للطريق
جرى ايه فى الشغل ؟
ابدا بس المدير بيتلككلى و فى شلة شياطين بتحفر ورايا بس كده مش بسيطة برده !!!!
لأ طبعا مش بسيطة بس تعالى نتكلم بصراحة
ايه رأيك فى اداءك فى شغلك ؟ انت تقييم نفسك ازاى ؟
و الله على قد فلوسهم ... الواحد طالع عينه مواصلات زفت و طريق هباب و كمان مرتب ميكفيش ميه و عيش حاف .... ضغط من كل حتة و جاىة تقولى بتقييم نفسك ازاى ؟؟؟ ده ايه الروقان ده كله؟
مش روقان و الله بس دايما شايفة الاية الكريمة ( و ما ربك بظلام للعبيد) و كمان
( و عسى ان تكرهوا شيئا و هو خير لكم ) ادى كل الحكاية
يعنى يا اخى / اختى طبعا انت مؤمن / مؤمنة
يبقى اكيد متفقين ان الكلام ده صح مليون فى المية
يبقى اللى بيحصل فينا ده ‘ما نتيجة سوء عملنا او سوء تخطيطتنا
(و دى حاجة لازم نراجع فيها نفسنا و بكل صراحة .... إن الله لا يغير ما بقوم حتى يغيروا ما بانفسهم) او تكون المشاكل اللى حوالينا دى خير بس احنا مش شايفين كويس
إما ابتلاء لرفع الدرجة فى الجنة
او طريق بيتسد عشان نمشى فى طريق تانى هو الافضل و هو الخير
المهم نكون صادقين مع انفسنا و نحاسبها بجد
و رقة و قلم و نكتب بكل صراحة افعالنا و اللى فى ضميرنا و نراجع و نصحح
دى فرصة طوووووووووو ما فينا نفس .... لازم نلحق نحاسب انفسنا و نغير مسارات حياتنا للافضل دايما ... و دايما فى امل
ده ربك اسمه الغنى ... المغنى .... و كمان مالك الملك
بس انت اسعى و اجتهد ( من كان يريد الاخرة و سعى لها سعيها و هو مؤمن ) شوف كام حاجة
عد معايا كده : عايز الاخرة .... يعنى مش بتشتغل عشان الدنيا و بس يعنى طوووووو لما انت متأكد انك صح مش فارق معاك مدير و لا غفير و زوجة و لا ... لا
و بعدين عايز الجنة كده و مربع ايدك ؟ لأ سعيت و اجتهدت بس ركز سعيت سعى الجنة و اجتهدت فى طريقها و تكون هية هدفك و اللى فى خيالك و منتهى امالك الوصول لها
مش اى يسعى و خلاص!!!
و لازم كمان تكون مؤمن .... مؤمن بأن ليك رب لا يغفل و لاينام و قادر و كريم و حليم و غفور و ستار
و بيحبك و بيظبطك و خلقك و خلق لك كل شئ فى خدمتك ...
و كل قضائه حكمة و رحمة و جميع قدره حب
و شوف بعد كده النتيجة هتكون ازاى و ابقى احكيلى :)
اما بقى الدنيا و اللى فيها ... فنصيحة متركزش قوووووووى معاها
و امشى عدل تنعدل و يحتار عدوك فيك
و لو حد متضايق لسة و مخنوق ... يقوم بقى يتوضا و يصلى ركعتين و يحكى للى مبينامش و مبيتعبش و عمره ما هيزهق و الاهم ان هو اللى معاه الحل و هو اللى يقدر يحل و يدى
فى حفظ الحفيظ القيوم الواسع السميع
م. سالى محمد غانم 26-10-2011
ليست هناك تعليقات:
إرسال تعليق