اطفالنا 4 صمغ البيوت

د لسه صغير و مش فاهم .... لالالا ده طفل

بنرعق و نتخانق و ننفعل ... و كل ده قدامه ... عادى جدا
ياااااه للدرجة دى مش حاسين بوجوده .... للدرجة دى اتعمينا و مش شايفينه
و لا احنا سذج و مصدقين فعلا انه طفل و مش فاهم حاجة!!!
حتى الرضيع بيفه ... ببساطة لانه بيحس ... ايوة بيحس بكل حاجة حواليه
و بيبقالوه رد فعل .... و دور كمان فى لم شمل البيت

على قد ما الطفل بيغير على امه من ابوه و بغير على ابوه برده من امه

هوه عايز يكون هوه محور اهتمامهم ... كل واحد فيهم يكلمه هوه ... مش يتكلموا هما مع بعض و ينسوه 
و بغض النظر هما بيقولوا ايه .... لازم هوه يكون فى الحوار
بس برده نفس الطفل ده   لما بيلاقيهم مبيتكلموش مع بعض ... بيحس ان فيه حاجة غلط
بيفهم انهم بعيد عن بعض ..... و عشان مش هوه ده العادى و مش هوه ده الطبيعى .. بتلاقيه بيتدخل 

يشد بابا من ايده عشان يعقد جنب ماما .... يحاول يخلي ايد ماما فى ايد بابا ... كلها محاولات لها معنى واحد انا بحبكم مع بعض .... بس و انتوا مع بعض متسونيش !!!

لما البيت يبقى مفركش و كل واحد فى وادى لازم تلاقى واحد بيعافر عشان يلملم كل دول
هو ده ضمغ البيت ... هوه ده الطفل اللى لسه صغير و مش فاهم حاجة !!!


م. سالى محمد غانم

17-2-  2013