4 * 4

مثنى و ثلاث و رباع

من الاسئلة اللى بتدور فى عقلى كل ما اسمع هذه الاية ليه 4 ؟
ليه مش 6 او 5 او حتى 3 او 2 ؟
ليه 4 بالتحديد ؟؟؟
 و كبرت و كبر معايا السؤال
و فضلت ادور عن اى تفسير يتكلم فى النقطة دى ليه 4؟
فى ثانوية عامة لما درسنا احياء اتعلمنا ان الخلية الجسدية بيحصلها انقسام ميتوزى .. يعنى كل خلية تنقسم الى خليتين
بينما الخلايا الجنسية تنقسم انقسام ميوزى ... و الميوزى ده عبارة عن 2 ميتوزى ورا بعض تقريبا
يعنى الخلية الواحدة تنقسم مرة و الناتج يكون خليتين و الخليتين ينقسموا كمان مرة و كل واحدة تجيب خليتين كمان  يعنى الخلية الواحدة  تنتج 4 خلايا فى النهاية
فى انثى الانسان الاربع خلايا بيضمر منهم 3 و واحدة بس هية اللى بتكبر و تكون بويضة واحدة بس
و فى الذكر الاربعة بيكبروا و بيكونوا 4 حيوانات منوية !!!
يعنى 4 : 1

فهل يا ترى فى علاقة بين الكلام ده و قصة اربع نساء زوجات كحد اقصى لكل رجل ؟؟؟؟

الله تعالى اعلى و اعلم

امة الله/ سالى محمد غانم
14-2-2012