يا سلااام ... ايه ده كله ...

يا سلااام ... ايه ده كله ...  ايه ده كله ...

هو فيه غنى فى الدنيا دى و كريم !!

ممكن تلاقى بس مش كتير ... الغنى غالبا بيخاف فلوسه تنقص و بيدفع يدوووووب الزكاة و بس فى غالب الاحيان و بيقول كفاية عليا هم الضرايب و مصاريف التسليك و التشهيل و خلافه مش بقول كلهم كده ...  الا من رحم ربى

و حتى الغنى الكريم عمره ما بيغنى اللى بيكرمهم ... يعنى عمره ما هيقدر يديه كل اللى هما محتاجينله و يكفيهم  لدرجة انهم يكونوا فى غنى عن اى حاجة من اى حد غيره

شوف بقى لما تلاقى  ...
الغنى ... المغنى ... الكريييييييييييييم

يعنى عنده كل حاجة ... مهو غنى

و هيديك كل حاجة ... مهو اصله الكريم العاطى

و هيديك لدرجة تغنيييييييييييك .عن اى حد غيره .. يا الله يا مغنى

لا و مش كده و بس ده احنا فى الهنا ده طووووووووووول ما فينا نفس و عايشين

طب ازاى ناخده ؟؟؟؟

بسيييييطة جدا

قالك  ادعونى ... استجب لكم

شوف البساطة و الحلاوة و الجمال

كل المطلوب من حضرتك انك تسأله ... بس كده

و شوف بقى لما تسأل واحد غنى و كريم هيديك ايه

و لما يكون قايل انه هيغنيك يبقى ياسلاااااام و سلم

طب اسأله ازاى و اطلب منه ايه و امتى ؟؟

يا عم رووووووووووح كلمه ببساطة و بصراحة ... قول اللى يجيى على بالك .... قوله كده على طووووووووول  ... ارفع ايدك و اطلب  اللى نفسك فيه ... النجاح فى الامتحان .... عروسة حلوة ... عريس لقطة ... شغلانة كويسة حلال ... شقة على النيل  و عربية آخر موديل (مهو الكريم الغنى بقى) ... ذرية صالحة ... صحة ...

كان فيه واحدة دايما تطلب من ربنا يرزقها عريس طويل و عينه زرقا و شعره بنى ... اه و الله طبعا ممكن تلاقى اللى يقول ايه التفاهة دى حد يطلب اللى انتى بتقولى عليه ده ... يا جماعة ... سبوها منها لربها ... هى عايزة و هو قادر يديها ... هى طلبت زوج حلال و هى ادرى باللى يعفها و ربك سميع و كريم و عاطى ...

اطلب كل اللى نفسك فيه ...يرزقك الفهم يعنى  تفهم اللى بتقراه و بتذاكره ... زوجة / زوج صالح ... يرزقك التقوى ... و يرزقك الشكر ... عمرة ... حج ... حفظ القرآن ... التفقه فى الدين ... الصبر ... الحلم ... بر الوالدين ... حسن الخلق ... الجنة ... الفردوس ... شربة من يد الحبيب المصطفى ... الوقوف تحت ظل عرش الرحمن ... رفقة المصطفى فى الجنة ...

ده اداك السمع و البصر و العقل و شوف بقى ايه كمان فيك و شوف شغالين ازاى ... كل ده من غير ما تطلب (عينة يعنى بيقولك و بيعرفك امكانياته و هو ممكن يديك ايه و الجودة عمالة ازاى) ... ما بالك بقى لما تطلب ... اللى اداك ده كله من غير طلب ... شوف انت بقى ممكن يديك ايه و ازاى لما تطلب

بقولك ده الغنى الكرييييييييم  لأ و ايه الحى القيوم كمان


يعنى عمرك ما هتروح تسأله تلاقيه نايم او مسافر او مش موجود  (سبحانك ربى)

و خد دى ده كمان ده هوه السميع البصير ... يا سيدى ...  سمعك علطول و شايفك دايما فى كل وقت

اما غريبة  قوى الحكاية دى ... سبحانك اللهم

الغنى الكريم السميع المجيب هوه اللى بيقولك اسأل و انا هديلك و ايه فى اى وقت و طول العمر

يا سلااام يا سلااااااام

ده ميعملش كده غير ربك القاااااااااااادر

قادر يسمعك  و قادر يديلك و قادر يغنيك و قادر على ده طول عمرك (و طول عمر كل من خلق) ما هو الكلام للناااااس كلها


سبحان الله ... الغنى المغنى

يا سلاااااام غنى و مغنى و كريم و عاطى و قادر و سميع و حى و قيوم و ايه قالك اسأل ... هسمعك و اديك


يا سلاااااااام ... ايه ده كله ايه ده كله


اطلب و اطمع و استغل الفرصة ... العرض سارى حتى خروج آخر نفس منك ...

لما اقوم اطلب شوية حاجات انا بقى

يا رب عينى اكون بارة بابواى ... يا رب الف قلوبنا انا و اخواتى و جمعنا على ما يرضيك ... يا رب اهديلى ابنى و زوجى
يا رب ردنا الى دينك ردا جميلا ... يا رب ادينا الفهم ... يا رب لا تمكن منا من يظلمنا ,,, يا رب ارزق شبابنا حسن الخلق ... يا رب ارزقهم زوجات / ازواج صالحين

ربى إنى لما انزلت الى من خير فقير

ربنا اتنا فى الدنيا حسنة و فى الاخرة حسنة و قنا عذاب النار و توفنا مع الابرار و الحقنا بالصالحين و ادخلنا جنة النعيم بدون سابقة عذاب ... يا عاااطى يا كريييييم

بقلم امة الله / سالى محمد غانم
11-2-2012