السلام عليكم و رحمة الله و بركاته
اليوم عندى لكم موضوع جميل جدا و راقى جدا جدا و سهل فعلا
الاول حد فيكم جرب حاجة من اللى جاية دى:
اليوم عندى لكم موضوع جميل جدا و راقى جدا جدا و سهل فعلا
الاول حد فيكم جرب حاجة من اللى جاية دى:
- فى المدرسة او الكلية تبقى جعان و معاك سندوتش واحد بس و فى واحد زميلك و جعان هوه كمان فتعزم عليه من قلبك مش كسوف و حرج و تاكل انت نص و هوه نص
- تبقى ماش فى الشارع و معاك فلوس على قد المواصلات و تهبت بقى و نفسك تركب اى حاجة و تروح و تلاقى قدامك طفل او سيدة رثة الثياب و بتبيع مناديل او حلويات فتشترى منها وانت تروح ماشى
- العيد قرب و قلبتى فى الدولاب لقيتى فستان جميل و عزيز عليكى و بتحبيه جدا فقررت انك تديه لبنت البواب او لجمعية خيرية عشان حد غيرك يلبسه
لو فى حد حصله كده ... يبقى ممكن يكمل المقال او لأ على حسب رغبته و إن كنت اشك انها هتعجبه
و لو حد هو بيقرأ لقى نفسه عايز يقول "ايه الهبل ده ... لأ طبعا انا معملتش و مش ممكن اعمل كده"
يبقى هوه ده اهم واحد عندى و ياريت يكمل المقال للاخر عشان انا متأكدة انها هتعجبه
لن تنالوا البر حتى تنفقوا مما تحبون
و يؤثرون على انفسهم و لو كان بهم خصاصة
ايه ده بقى .... ماكنا كويسين و مكملين و متفاهمين
شوف بقى .... عندك امتحان
Open book & Open Time
حاجة زى الفل ... و مسموح فيه انك تسأل اللى جمبك او حتى تسأل المراقب ... و كمان ممكن تسأل استاذ المادة
المهم بس انك تجاوب صح قبل الوقت مايخلص
طيب هوه الوقت هيخلص امتى ؟؟؟؟
معرفش ... ممكن المراقب يسحب الورقة فى اى وقت
طيب هيه ايه الاسئلة و فين الكتاب ... ادينى و انا اجاوب هوا و اطلع الاول بامتياز
اتفضل يا عم السؤال الاول صح او غلط مع التعليل
- فى المدرسة او الكلية تبقى جعان و معاك سندوتش واحد بس و فى واحد زميلك و جعان هوه كمان فتعزم عليه من قلبك مش كسوف و حرج و تاكل انت نص و هوه نص
- تبقى ماش فى الشارع و معاك فلوس على قد المواصلات و تهبت بقى و نفسك تركب اى حاجة و تروح و تلاقى قدامك طفل او سيدة رثة الثياب و بتبيع مناديل او حلويات فتشترى منها وانت تروح ماشى
- العيد قرب و قلبتى فى الدولاب لقيتى فستان جميل و عزيز عليكى و بتحبيه جدا فقررت انك تديه لبنت البواب او لجمعية خيرية عشان حد غيرك يلبسه
و المنهج بتاع حضرتك فيه السطرين دول
لن تنالوا البر حتى تنفقوا مما تحبون
و يؤثرون على انفسهم و لو كان بهم خصاصة
شوف بقى يا عم انا لخصتلك المنهج و جبتلك المفيد من الاخر
اتفضل جاوب
لا انا عايز الكتاب ... و انا اضمن منين ملخصك ... معلش
اتفضل الكتاب هو القرآن الكريم سورة آل عمران الاية 92
لَنْ تَنَالُوا الْبِرَّ حَتَّىٰ تُنْفِقُوا مِمَّا تُحِبُّونَ ﴿٩٢﴾
و سورة الحشر الاية 9
وَيُؤْثِرُونَ عَلَى أَنْفُسِهِمْ وَلَوْ كَانَ بِهِمْ خَصَاصَةٌ
قبل ما تجاوب اى سؤال راجع الكتاب اللى معاك راجع و بعدين جاوب
و خد بالك ممكن تتسحب الورقة فى اى وقت ... فنصيحة خلى الكتاب فى ايدك دايما و قبل ما تجاوب اى سؤال
راجع الكتاب .... و لو مفهمتش اللى فى الكتاب بسرعة اجرى اسأل استاذ المادة
طيب هوه فين الاستاذ ؟ و هوه مين ؟؟؟
الاستاذ هو الحبيب المصطفى صلى الله عليه و سلم
شرح الكتاب فى سنته
و لو مفهمتش ممكن تسأل حد جمبك .. بس اختار حد من الشطار اللى مذاكرين الكتاب و و مذاكرين شرح الاستاذ
و خد بالك كمان ... تنيجة الامتحان علنية ابدية
يعنى ايه ؟ مش فاهم؟
يعنى يوم اعلان النتيجة كله خيبقى واقف و سامع و شايف
و اى حد عنده تظلم يروح يثبته من الكتاب
ولما تعلن النتيجة .... هتبقى نهائية و ابدية
يعنى مفيش إعادة و لا ملحق و لا اى اضافات اخرى
يا جنة خلد و ملك لا يبلى ... يااااااااااااااا اللهم احفظنا .... انت عارف بقى
اللهم لا تخرجنا منها مفتونين و لا فتانين
اللهم الحقنا بالصالحين و الاشهداء و النبين
امة الله م. سالى محمد غانم
23/10/2012
ليست هناك تعليقات:
إرسال تعليق