الاخوة و الاخوات الكرام
سلام الله عليكم و رحمته و بركاته
اليكم سلسلة جديدة ... و جديدة من نوعها ايضا ... فهى تعتمد على التفاعل بيننا و المشاركة فى الاراء و التجارب
هدفها تبادل الخبرات فى إطار تعليم الاطفال مبادئ الدين و الغيب و الجنة ...
و سأبدأ بتجربتى مع طفلى البالغ من العمر 4 سنوات و نصف
فى البداية كان يرانى انا و الده نصلى جماعة (كان عمره 2 سنة تقريبا) و بدأ يسمع الفاتحة فى الصلاة فلاحظت انه ماشاء الله لقطها :)
فبدات معه على خفيف اقرأ بصوت عالى معه فقط
و عند النوم اذكار النوم و القرآن
و ما ان ننتهى حتى اقول له ( غرفتك الان اصبحت مليئة بالملائكة ) الله يا سلام اوضتك منورة
و كمان اوضك اللى فى الجنة ؟؟؟؟
يعنى ايه الجنة يا ماما؟؟
الجنة دى مكان وااااسع و كبييييير و جميل
كل واحد فينا ليه اوضة و فى ملايكة شغالة فى بناء الاوضة و تزيينها و ترتيب لعب كتير فيها و هدوم و شكولاتة
و حاجات كتيييير قوىى
مين اللى مشغل الملايكة دى يا ماما ؟
ربنا ... اصل القرآن ده كلا ربنا و لما بنقرأه ربنا بيفرح بينا قوووى و ينادى الملايكة و يقولهم
يا ملايكتى شايفين ادهم بيقرأ القرآن ... يا ملايكتى حطوا لعب لادهم فى اوضته فى الجنة
و هكذا بدأ ارتباطه بالقرآن
و من وقت للتانى لقيته بيقولى (كفاية لعب و هدوم الاوضة اتملت و خلاص مفيهاش مكان !!!!
فضربت لخمة و بعدين ربنا الهمنى اقوله ( لما الاوضة بتتملى الملايكة بتينى اوضة تانية و تحط فيه حاجات تانى
و لو بطلنا القرآن الملايكة بتوقف شغل
فرجع تانى للقرآن قراءة و حفظ
و بعدين بدات تصرفات مش تمام منه (زى كل الاطفال)
فبدات اقوله ( ده مش ابنى اللى بيعمل كده ... ده واحد تانى شقى و وحش)
و لقيته بيتعدل شوية و شوية لأ
و بعدين ربنا الهمنى اقوله ان الشيطان بيجيله و يقوله يعمل حاجات وحشة عشان الملايكة تبطل شغل و تشيل كمان كل اللعب و الحاجات الجميلة من اوضته !!!!
فبدا يفكر و يقولى ... الشيطان ده وحش مش عايزنى يبقى عندى اوض كتير فى الجنة ملاينة لعب ... انا هكسره
و لمعت الفكرة فى ذهنى على الفور
الشيطان مش بيتكسر يا دودى الشيطان بيتحرق
طيب يا ماما يالا نقوم نحرقه فى البوتاجاز بالكبريت
يا حبيبى اللى بيحرق الشيطان هو القرآن
و قعدت 3 ايام ادور على النت على فيلم الانس و الجن ... بس عشان المشهد الاخير اللى بيقرأوا فيه القرآن فبيتحرق الجن
و فرح جدا لما شاف المشهد ده ... و خلاص كده عرفنا ان القرآن بيجيب ملايكة فى الاوضة اللى ادهم فيها و كمان بيشغل الملايكة اللى فى الجنة فى الاوضة بتاعته و كمان بيحرق اى شيطان موجود
فى انتظار تجاربكم
م. سالى محمد غانم
9-10-2012
سلام الله عليكم و رحمته و بركاته
اليكم سلسلة جديدة ... و جديدة من نوعها ايضا ... فهى تعتمد على التفاعل بيننا و المشاركة فى الاراء و التجارب
هدفها تبادل الخبرات فى إطار تعليم الاطفال مبادئ الدين و الغيب و الجنة ...
و سأبدأ بتجربتى مع طفلى البالغ من العمر 4 سنوات و نصف
فى البداية كان يرانى انا و الده نصلى جماعة (كان عمره 2 سنة تقريبا) و بدأ يسمع الفاتحة فى الصلاة فلاحظت انه ماشاء الله لقطها :)
فبدات معه على خفيف اقرأ بصوت عالى معه فقط
و عند النوم اذكار النوم و القرآن
و ما ان ننتهى حتى اقول له ( غرفتك الان اصبحت مليئة بالملائكة ) الله يا سلام اوضتك منورة
و كمان اوضك اللى فى الجنة ؟؟؟؟
يعنى ايه الجنة يا ماما؟؟
الجنة دى مكان وااااسع و كبييييير و جميل
كل واحد فينا ليه اوضة و فى ملايكة شغالة فى بناء الاوضة و تزيينها و ترتيب لعب كتير فيها و هدوم و شكولاتة
و حاجات كتيييير قوىى
مين اللى مشغل الملايكة دى يا ماما ؟
ربنا ... اصل القرآن ده كلا ربنا و لما بنقرأه ربنا بيفرح بينا قوووى و ينادى الملايكة و يقولهم
يا ملايكتى شايفين ادهم بيقرأ القرآن ... يا ملايكتى حطوا لعب لادهم فى اوضته فى الجنة
و هكذا بدأ ارتباطه بالقرآن
و من وقت للتانى لقيته بيقولى (كفاية لعب و هدوم الاوضة اتملت و خلاص مفيهاش مكان !!!!
فضربت لخمة و بعدين ربنا الهمنى اقوله ( لما الاوضة بتتملى الملايكة بتينى اوضة تانية و تحط فيه حاجات تانى
و لو بطلنا القرآن الملايكة بتوقف شغل
فرجع تانى للقرآن قراءة و حفظ
و بعدين بدات تصرفات مش تمام منه (زى كل الاطفال)
فبدات اقوله ( ده مش ابنى اللى بيعمل كده ... ده واحد تانى شقى و وحش)
و لقيته بيتعدل شوية و شوية لأ
و بعدين ربنا الهمنى اقوله ان الشيطان بيجيله و يقوله يعمل حاجات وحشة عشان الملايكة تبطل شغل و تشيل كمان كل اللعب و الحاجات الجميلة من اوضته !!!!
فبدا يفكر و يقولى ... الشيطان ده وحش مش عايزنى يبقى عندى اوض كتير فى الجنة ملاينة لعب ... انا هكسره
و لمعت الفكرة فى ذهنى على الفور
الشيطان مش بيتكسر يا دودى الشيطان بيتحرق
طيب يا ماما يالا نقوم نحرقه فى البوتاجاز بالكبريت
يا حبيبى اللى بيحرق الشيطان هو القرآن
و قعدت 3 ايام ادور على النت على فيلم الانس و الجن ... بس عشان المشهد الاخير اللى بيقرأوا فيه القرآن فبيتحرق الجن
و فرح جدا لما شاف المشهد ده ... و خلاص كده عرفنا ان القرآن بيجيب ملايكة فى الاوضة اللى ادهم فيها و كمان بيشغل الملايكة اللى فى الجنة فى الاوضة بتاعته و كمان بيحرق اى شيطان موجود
فى انتظار تجاربكم
م. سالى محمد غانم
9-10-2012
Randa Rony روعه روعه روعه جزاكي الله كل خير
ردحذفHend Gazar تحرير غير معرف يقول...
ردحذفجزاكي الله كل خير على هذه المقالة الجميلة المفيدة ، و بصراحة عجبني جدا تشبيه الأوضه و الملايكة بتزينها لما الطفل بيعمل حاجة حلوة و فكرة الأوضة التانية حلوة منك ربنا يفتح عليكي و سبحان الله هو فعلا قصر مش بس أوضة كما وعدنا الرحمن و ربنا يزيدكم علم و فهم و يبارك في أدهم ه و في أولاد المسلمين جميعا ، بس موضوع الشيطان و حرقه بالقران مناسب لطفل كبير شوية عشر سنين مثلا أصغر من كده ممكن تأثير الخوف يبقى كبير عليه و الا إيه رأي حضرتك؟
Sally M. Ghanem جزاكى الله خيرا على التعليق و شكرا لوقتك و اهنمامك ... فى الحقيقة انا حبيت اوضحله ان الشيطان مش كائن ملموس مش زينا و مش زى النبات و الحيوان ... ممكن صحيح يكون الخوف هو الواضح ... بس مع ادهم انا حسيت انه متفهم ... عموما ده باب جيد للنقاش يا ريت لو حد عنده فكرة فى الموضوع ده يوضح لنا او تجربة او قرأ او سمع اهلا و سهلا
ردحذفOctober 10 at 5:14pm
Amany Amanpour اللهم انبت اولاد وبنات المسلمين نباتاً حسناً،..... وجزاك الله خيراً على نقل تجربتك للآخرين،.... انا عن نفسي أؤمن بالخطوط العامة في التربية، او الهيكل العام ، اما التفاصيل فتختلف باختلاف طبيعة الولد والبنت، والاب وآلام ، والمدرسة، والعائلة ، والظروف ،...... تماماً مثل اختلاف الفتوى بتغير الزمان والمكان والأشخاص والأحوال،..،.... وعموما التربية رحلة مجاهدة مستمرة، اما التوفيق فهو من عند الله .،..... وفق الله الجميع وجعل أولادنا وبناتنا قرة أعين لنا..
ردحذفOctober 10 at 5:50pm
Sally M. Ghanem شكرا لكم جميعا المتابعة و الاهتمام ... هل شاركتمونا تجاربكم و اقتراحاتكم
ردحذف